Feeds:
Entradas
Comentarios

Archive for the ‘Documentos políticos’ Category

1808

N’ASTURIANU:

Dende la Sociedá Cultural Xixonesa, con ocasión del 205 aniversariu de la revolución asturiana de 1808, queremos reivindicar la esperiencia d’aquel procesu soberanista como un momentu constituyente de la Hestoria d’Asturies como País, y tamién como un exemplu a recordar de la capacidá de les clases populares asturianes pa desbordar el marcu institucional establecíu al traviés de l’acción colectiva. (más…)

Anuncios

Read Full Post »

La represión, tan venceyada polos grandes medios de comunicación a les dictadures y al militarismu, empecipia a ser un fechu cotidianu na vida de munches persones tanto n’Asturies, como nel conxuntu del Estáu español. Por casu el conflictu mineru, qu’apocayá foi paralizáu poles cúpules directives de la mayoría sindical, non solamente foi exemplar nos niveles algamaos de combatividá na llucha, y de solidaridá activa na sociedá civil. Asina la represión de la movilización en defensa de la minería ta siendo una amuesa bien esmolecedora de los mecanismos coercitivos del Estáu: acosos, palices, detenciones, silenciu o intoxicación mediática y procesos xudiciales, col usu de distintos cuerpos armaos, y l’amenaza latente d’utilizar directamente al Exércitu (al traviés de la UME) contra’l pueblu en movimientu.

Nel momentu actual y cola dinámica abierta pola crisis estructural del capitalismu global, se mos tá arrastrando a l’amplia mayoría social, non sólo al emprobecimientu de les nueses condiciones de vida y al retayu de llibertaes democrátiques y derechos sociales (conquistaos con munchu sangre poles xeneraciones predecesores), tamién a condiciones d’esclavitú asalariada nos centros de trabayu, ya inclusive a neganos el derechu a trabayar y vivir a pola destrucción sistemática d’empléu. Esti procesu vien provocando la implicación de cada vez más sectores populares nes movilizaciones; seya con unes sigles o con nenguna; seya dientro de les convocatories de la mayoría sindical o fora d’elles. D’esta manera y pola durez de les circunstancies, ta abriéndose espontáneamente un nuevu ciclu de lluches sociales, ensin qu’esista inda nenguna estratexa común nesti llau de la barricada. Nesti contestu la unidá d’acción nel ámbitu antirrepresivo ye güei más qu’enxamás una necesidá urxente pa los distintos movimientos populares, les organizaciones sociales, les centrales sindicales y los partíos políticos de la esquierda alternativa, yá que la dialéctica de la movilización y la represión ye tan consustancial a la esencia mesma del sistema capitalista, como la propia llucha de clases. Asina, ente otros casos escandalosos, podemos señalar les más de cien persones imputaes xudicialmente poles lluches mineres, o los venti deteníes por intentar evitar un desahuciu n’Uviéu. (más…)

Read Full Post »

Manifiestu robláu pola Asociación Cultural N’Ast, l’Atenéu Obreru de Xixón, la Corriente Sindical d’Izquierda (CSI), la Fundación Andreu Nin, la Fundación Asturies XXI, l’Atenéu Cultural Xuan María Acebal, Conceyu Abiertu, Andecha Astur y Darréu.

Noticia del actu de presentación nel Atenéu Obreru de Xixón (LNE).

Con motivu de la noticia de la reivindicación catalana sobre los fondos documentales del tiempu de la Guerra Civil que, espoliados pola dictadura franquista nel so momentu al Centru Asturianu de Barcelona, anguaño alcontrábense archivaos nel Centru Documental de la Memoria Hestórica de Salamanca, dellos coleutivos, asociaciones y entidaes queremos comunicar lo viniente:

1) Que si bien ye lexitimu que’l Gobiernu de Cataluña y determinaos actores sociales d’esi territoriu quieran recuperar tola documentación qu’afecta a la memoria hestórica del pueblu catalán, nun ye almitible qu’aprovechando la falta de compromisu cola hestoria propia de los Gobiernos autonómicos del PSOE n’Asturies agora quieran apoderase d’unos fondos que son hestoria viva d’otru pueblu: l’asturianu.

2) Los fondos afectaos concretamente contienen tola documentación (llibros, fiches personales, espedientes, recibos de pagu, documentación de militantes y pertenecientes a partíos políticos y sindicatos) que dempués de la cayida del frente del Norte na Guerra Civil foi treslladada dende Asturies hasta Cataluña p’atopar acomodu nel Centru Asturianu de Barcelona. De fechu ente los años 1937 y 1939 el Centru Asturianu de Barcelona nun foi un simple centru d’emigrantes asturianos sinón que yera la institución que vertebraba tola población asturiana exiliada. (más…)

Read Full Post »

N’Ast llanza una segunda campaña de calter antitaurín

 Esti branu cuando n’Asturies tamos viviendo un momentu de fuerte cris social ya identitaria les élites económiques y polítiques van apostar otra vuelta pol espardimientu del flamenquismu na nuesa tierra nun enfotu d’anular la cultura propia del País.

 Esta estratexa d’aculturación, aprovechando l’actual situación de descomposición folclorica de la estructura sociocultural específica d’Asturies, ta embobinada a sustituir unes pautes culturales y unes referencies identitaries como comunidá nacional por otres que fomenten l’alienación de la población en rellación al propiu territoriu col envís de llexitimar socialmente’l marcu de subordinación política y dependencia estructural d’Asturies al respective del Estáu español, garante de los intereses económicos de los oligarques d’un llau ya otru del cordal cantábricu.

 Poro N’Ast, como organización sectorial del Movimientu de Lliberación Nacional Asturianu que trabaya l’ámbitu cultural, quier reivindicar con esta campaña la dignidá patria énte l’agresión permanente qu’implica la imposición del flamenquismu, que nun escaezamos que ye la variedá más rancia, reaccionaria ya etnocéntrica del nacionalismu españolista.

Read Full Post »

Antoxana:

En febreru del añu 2011 la plataforma socio-política Conceyu Abiertu entamó la so andadura como proyectu d’unidá d’acción cola finalidá d’apurrir una rempuesta a trés factores qu’afecten fondamente a la esquierda soberanista asturiana, cuestionando inclusive la so propia esistencia dientro d’un contestu xeneral de desideoloxización, descomposición y práctica anulación como dinamizador social del movimientu nacionalista asturianu aniciáu nos años 1970:

I)       La progresiva disolución de les posiciones nacionalistes, soberanistes y tresformadores nel marcu d’un falsu posibilismu que, caracterizáu ambiguamente como asturianista, autonomista y progresista, arrenuncia a toa perspectiva de confrontación col Estáu español ensin ser quien a xenerar unos mínimos avances nacionales en néngun ámbitu social.

II)       La sustitución del trabayu socio-políticu dende la base, en collaboración colos movimientos populares, por unes fantasioses expectatives electoralistes, lo que vien xenerando un oportunismu tácticista astraíu de cualesquier tipu de coherencia estratéxica.

III)       La necesidá de superar la dispersión de la esquierda soberanista al traviés de la construcción d’un nuevu espaciu que, evitando’l vanguardismu asina como otros errores del pasáu, tenga capacidá pa integrar les distintes sensibilidaes de la esquierda soberanista al rodiu d’unos oxetivos mínimos.

Dempués de les elecciones del pasáu mes de mayu l’analís que se fizo quedó ratificáu, y precisamente un añu dempués de la so nacencia col envís de dir avanzando nel rearmamientu ideolóxicu, na reagrupación política y na clarificación estratéxica Conceyu Abiertu dótase de les presentes Bases Polítiques. (más…)

Read Full Post »

Dende N’Ast, como organización sectorial que trabaya l’ámbitu cultural dende’l proyeutu estratéxicu del Movimientu de Lliberación Nacional Asturianu (MLNA), con motivu del Día Internacional de la Muyer Trabayadora queremos manifestar públicamente la nuesa posición en rellación a la simbiosis esistente ente la opresión patriarcal y el colonialismu cultural nel nuesu País.

1. Como consecuencia de les dinámiques d’atomización social y desestructuración nacional que dende hai xeneraciones vien promoviendo y desendolcando’l colonialismu oligárquicu español nel momentu actual el conxuntu del pueblu trabayador asturianu tien fondamente llindada la so capacidá coleutiva pa la creación y reproducción de pautes y ellementos culturales propios. Asina les asturianes y los asturianos nel contestu d’una realidá cotidiana cada vuelta más autoritaria ya individualista mos atopamos con valores, costumes y normes empobinaos a consolidar les rellaciones esistentes de subordinación y esplotación, que retroaliméntense mutuamente afitando un inmovilismu estructural que favorez la estabilidá del sistema colonial énte la pasividá de la mayoría popular.

2. L’entramáu d’estructures socio-culturales dominante n’Asturies ta caracterizáu globalmente pola imposición y xerarquización de roles binarios en función del sexo lo que xenera una estratificación de les asturianes y los asturianos nel accesu a recursos de poder, riqueza y cultura. D’esta manera la comunidá nacional asturiana ye fragmentada internamente al traviés de mecanismos y práctiques sociales que xeneren rellaciones de desigualdá y subordinación ente los sos integrantes, lo que constitúi una más qu’evidente torga pa l’activación de cualisquier tipu de dinámiques d’acción coleutiva dende abaxu. (más…)

Read Full Post »

ImageDende Darréu, como organización de mocedá del Movimientu de Lliberación Nacional Asturianu, queremos homenaxar esti añu a los Mártires de Carbayín, yá que dende la perspectiva del Nacionalismu Revolucionariu entendemos que la identidá d’un País secularmente colonizáu como’l nuesu vien conformada de manera especial pol conxuntu de toles lluches y movimientos populares que s’asocedieron a lo llargo de les distintes xeneraciones, una y bones que toes éstes con independencia de conteníos coyunturales, son la espresión de la resistencia instintiva y constante del pueblu trabayador asturianu contra’l so sometimientu a los intereses del bloque oligárquicu español.

Polo tanto dende Darréu queremos recordar a unos militantes revolucionarios asturianos que fueron brutalmente asesinaos y mutilaos na nueche del 24 d’ochobre namás pola so militancia n’organizaciones anticapitalistes nunos tiempos nos que’l sistema de dominación social paecía tar a puntu d’esplotar como consecuencia de la miseria, probeza y axitación política que xeneraba ente les clases populares.

Dende entós munches realidaes sociales, culturales y polítiques camudaron n’Asturies y nel mundiu, pero por embargu siguen esistiendo dos ellementos estructurales fundamentales que güei como ayeri pesen como una llosa enriba de nós: la esplotación capitalista y la opresión nacional. Al igual qu’entós los intereses d’una minoría oligárquica s’imponen a los de les clases populares asturianes nel marcu d’un Estáu español supuestamente democráticu qu’a la hora de los fechos concretos nun tien nengún reparu en violar les sos propies normes coles mires de criminalizar y reprimir cualisquier clase de disidencia política. (más…)

Read Full Post »

Older Posts »