Feeds:
Entradas
Comentarios

Archive for the ‘Entrevistes’ Category

thumbnail_22och

Pablo R. Guardado

Hai cien años, nel 1916, vivióse ún de los acontecimientos más importantes de la historia del asturianismu políticu: constituyíase la Junta Regionalista col carlista Juan Vázquez de Mella como cabeza más visible. L’historiador Javier Cubero de Vicente (Xixón, 1986) fala sobre esti movimientu políticu escaecíu nel rellatu históricu del país. (más…)

Anuncios

Read Full Post »

semeya

Güei a les 20:00 hores Javier Cubero, historiador y politólogu, presenta nel Club de Prensa de La Nueva España en Xixón una ponencia sobre ún de los escasos cartafueyos de teoría política del rexonalismu astur. La Doctrina Asturianista, de 1918 ye una obra na que la burguesía de la primera restauración borbónica espresaba les sos apetencies autonomistes ensin renunciar al cuadonguismu españolista. (más…)

Read Full Post »

Pablo R. Guardado

L’Asociación Cultural N’Ast, coleutivu presidíu por María Dolores Suárez Vallina, celebró la selmana pasada un conceyu abiertu pa perfilar les bases de trabayu pa los meses próximos. Javier Cubero de Vicente (Xixón,1986), responsable d’organización de N’Ast, faló con nós sobre’l resultáu d’esti aconceyamientu.

¿Qué valoración fai del conceyu abiertu que tuvo llugar n’Uviéu?

Abondo interesante tanto pola heteroxeneidá de los participantes como polos alderiques que se desendolcaron. Nunos tiempos nos que lo que foi’l movimientu de reivindicación llingüístico y cultural d’esti país ta fragmentáu en pequeños guetos desconectaos non únicamente ente ellos sinón tamién en rellación a la mayoría social, ye especialmente importante l’activación d’espacios d’alcuentru y de comunicación. Amás, les ganes de trabayar que se manifestaron como la mocedá de parte de los ciudadanos que tuvieron nesi aconceyamientu afalen a siguir trabayando con independencia del clima de paralís y pesimismu que s’estendió a lo llargo de los años últimos. (más…)

Read Full Post »

image

Quisimos falar con Javier Cubero ganador del Premiu Fierro Botas d’ensayu y Investigación con “Del Romanticismu al Rexonalismu: escritores carlistes na lliteratura asturiana”, trabayu que s’espubliza estos díes y que se presenta el próximu 24 de xunu.

L’autor desplíca nesta entrevista delles claves de la investigación y qué se va atopar el llector amás de repasar delles cuestiones históriques de la época estudiada. Cubero tien trabayos históricos espublizaos en revistes como “N’ast, cartafueyos d’ensayu” o “Erada” y esti va ser el so primer llibru espublizáu.

¿Cómo xurde esti trabayu d’investigación que resultó premiáu col Fierro Botas d’Ensayu ya Investigación?

Llamábame l’atención que cuatro de los pocos autores hestóricos de la lliteratura asturiana que se separtaron del paradigma costumista fueren militantes carlistes o persones asitiaes na órbita ideolóxica tradicionalista. Y salvu nel casu d’Acebal esistía como un enclín a non afondar nel contestu políticu d’esti escritores. Entame a atropar material, na seronda del añu 2007 Xabel de Cea me convidó a escribir un artículu pal númberu 2 de N’Ast sobre esti tema y anímeme, y progresivamente resulta qu’a la fin tuvi idees y datos como pa facer  un llibru. (más…)

Read Full Post »

2008 semeya

Esti mozu investigador, premiáu col Fierro Botas d’ensayu 2009, fala con Asturnews d’hestoria pasada y actualidá.

Inaciu Galán

La Entrevista de la selmana llega nesta ocasión coles opiniones de Javier Cubero de Vicente qu’estos díes se convertía nel ganador de la segunda edición del Premiu d’ensayu Fierro Botas, pol so trabayu “Del romanticismu al rexonalismu: escritores carlistes na lliteratura asturiana”. Cubero ye presidente del Atenéu Cultural Xuan María Acebal, participando d’asociaciones como’l Conceyu Universitariu pol Asturianu y La brisa de Japón. Amás, tien trabayos espublizaos nes revistes “N’ast, cartafueyos d’ensayu”, “Erada” y “Formientu”, amás d’artículos n’AsturnewsOpinión. Nesta entrevista avanza dellos conteníos del trabayu premiáu y comentamos con él otros temes d’actualidá.

-¿Como recibió esti premiu, supón un estímulu pal so llabor d’investigador?

-Pues indudablemente esti premiu anímame a siguir estudiando y trabayando. El que se reconoza’l trabayu realizáu ye siempres motivu d’allegria. Y per otru llau, la parte monetaria supón un importante sofitu a la hora de futuros desplazamientos pa consultar archivos, fotocopiar periódicos vieyos o mercar esos llibros tan caros que siempres quixiste tener y que namás alcuentres en llibreríes especializaes. (más…)

Read Full Post »