Feeds:
Entradas
Comentarios

Posts Tagged ‘Formientu’

Formientu. Revista de la VII Xunta d’Escritores Asturianos, númberu 15-16, Gobiernu del Principáu d’Asturies, 2017, pp. 89-91.

El don d’encender nel pasáu la chispa de la esperanza namás ye inherente al hestoriador que ta convencíu de lo viniente: tampoco los muertos van tar seguros ante l’enemigu cuando ésti venza. Y esti enemigu enxamás cesó de vencer.

Walter Benjamín, El conceptu d’Hestoria (1940).

El castigu más grave qu’esistía nel Imperiu Romanu nun yera nin la crucifixón nin el destierru sinón la conderga de la memoria, el facer desapaecer a una persona de la hestoria del so pueblu. Dende entós, sinón enantes, la narrativa hestoriográfica dominante en cada sociedá ta condicionada pola particular xenealoxía de les sos elites dirixentes. De fechu, el rellatu hexemónicu sobre les batalles del pasáu empondera a los vencedores al empar que desprecia y marxina a los derrotaos. Esti foi, y tovía ye, l’inxustu destín del más ilustre autor de la lliteratura asturiana del sieglu XIX, Xuan María Acebal (1815-1895), doblemente cafiante pa dalgunos tanto pol so compromisu cola dignidá de la llingua asturiana como pola so militancia política nel llexitimismu carlista. (más…)

Anuncios

Read Full Post »

El soterrañu iberista

alfonsoenriquez

Formientu. Revista de la VII Xunta d’Escritores Asturianos, númberu 15-16, Gobiernu del Principáu d’Asturies, 2017, pp. 88-89.

Somos separatistes. Pero non separatistes d’España sinón del Estáu español. N’España hai un conflictu ente l’Estáu y les nacionalidaes oprimíes. Hai que desarticular l’Estáu, rompelo, frayalo. Namás cuando l’Estáu semifeudal tea estrozáu va poder formase la verdadera unidá ibérica, con Xibraltar y Portugal, inclusive.

Joaquín Maurín, En torno a la cuestión nacional (1931).

Una de les prioridaes de los Estaos-Nación surdíos dempués de la Revolución Francesa foi’l diseñu de polítiques culturales dirixíes a cohesionar poblaciones mui heteroxénees al rodiu d’una mesma identidá colectiva. Nel campu hestoriográficu esto implicó una proyección retrospectiva de les estatalidades sobre’l pasáu, de tal manera que los fechos hestóricos fueron ordenaos, estudiaos y divulgaos en función de la so mayor o menor utilidá pa llexitimar ideolóxicamente determinaes estructures polítiques nel presente. Colo cual les rellaciones multidimensionales que se dieron ente territorios mui diversos quedaron escurecíes y apostraes nun planu marxinal, pasando a conformar túneles soterraños baxo la xeografía de los poderes constituyíos. Esi foi’l casu de los venceyos del Norte peninsular col restu del Arcu Atlánticu, y acullá del exemplu más conocíu que ye’l de la comunidá de los países de cultura céltica, el de les conexones ente Portugal y Asturies. (más…)

Read Full Post »

flateyjarbok-faereyinga-saga-thumb

Introducción, traducción y notes de Mariano González Campo, Miraguano Ediciones, Madrid, 2008.

Formientu. Revista de lliteratura mui moza, númberu 11, 2012.

Dientro de la ideoloxía hexemónica nos nuesos díes a los grandes Estaos correspuénde-yos una significación crucial pa definir lo que tien relevancia y lo que nun lo tien en términos d’Hestoria Universal. Colo cual a les distintes élites sociales, polítiques y culturales que competíen y compiten pol lideralgu nes diverses escenografíes estatalistes asígnase-yos de manera esclusiva’l papel d’actores protagonistes del desendolcu hestóricu. Ya inevitablemente esta discriminación tien les sos consiguientes traducciones en mui distintos ámbitos esplicándose asina porque unos elementos culturales son clasificaos como alta cultura y otros como folclor, unes variedaes llingüístiques como llingües y otres como dialectos, o porque unes determinaes obres lliteraries son canóniques pero otres non… (más…)

Read Full Post »