Feeds:
Entradas
Comentarios

Posts Tagged ‘Otru Valor’

Otru Valor, Boletín Informativo del Grupo Municipal de IU Xixón, verano 2018, p. 18.

Dempués de la cayida del réxime borbónicu en 1868 los sectores democráticos disconformes cola decisión del nuevu Gobiernu provisional de caltener la institución monárquica constituyeron el Partíu Republicanu Democráticu Federal (PRDF). Por embargu na nueva formación política esistía una fonda confusión de criterios en rellación a les característiques de la futura República, a la estratexa pa construyila y a la mesma estructuración de la so propia organización interna. Poro de magar el mes de mayu de 1869 los comités provinciales del partíu foron federándose al traviés d’estremaos pactos rexonales ente ellos (que serán roblaos en Tortosa, Córdoba, Valladolid, Eibar y A Coruña), y a la fin nun Pactu Federal Nacional col envís de crear una estructura a nivel estatal que materializara’l so discursu federalista. (más…)

Anuncios

Read Full Post »

Otru Valor, Boletín Informativo del Grupo Municipal de IU Xixón, mayo 2017, pp. 9-10.

A lo llargo de les décades finales del sieglu XIX el Partíu Republicanu Democráticu Federal de Pi i Margall foi una perimportante fuercia d’oposición a la monarquía lliberal n’Asturies. Frente al réxime uniformizador, bipartidista y caciquil de la Primer Restauración Borbónica los republicanos federales demandaben un cambiu radical d’estructures polítiques dende l’autodetermín de les nacionalidaes hestóriques como suxetos de la soberanía popular. Esti plantegamientu por embargu yera impugnáu polos demás grupos republicanos (cola única escepción del Partíu Federal Pactista Coalicionista), que asumíen el modelu d’Estáu-Nación unitariu de la oligarquía. Pero en 1897 se va producir la converxencia de distintes families republicanes alredor de la reclamación d’un marcu autonómicu pa la sociedá asturiana. (más…)

Read Full Post »

1883 constitución federal

Otru Valor, Boletín Informativo del Grupo Municipal de IU Xixón, abril 2016, pp. 8-9.

Asturias (…) debe ser la primera en el palenque del derecho por la federación; en vano transcurren los años en que gobiernos unitarios la despojan de sus fueros y franquicias, en vano esa centralización trata de borrar su peculiar modo de ser; aún conserva su lengua y sus trajes, sus usos y costumbres, y su espíritu federal se despierta en todos los actos solemnes de su honrosa historia. A principios de este siglo, rotos los débiles lazos con que el unitarismo monárquico constituyó la nacionalidad española, Asturias sintió su personalidad e integró su soberanía, siendo la primera en declarar la guerra al coloso Napoleón I.

Manifiestu de la Xunta del PRDF d’Asturies, 25 de marzu de 1883.

Anque nos estudios académicos de la Hestoria d’Asturies ocupaba un llugar abondu marxinal hasta hai mui pocos años, el Partíu Republicanu Democráticu Federal (PRDF) foi una fuercia política que movilizó y articuló socialmente a una gran parte de los sectores populares del País ente los años 1868 y 1936. (más…)

Read Full Post »